0px

క్రేజీ మూవీస్.. గురువారం నుండే సినిమా పండగ..!

8 months ago

అయితే ధియేటర్లు.. లేకపోతే ఓటీటీలు.. స్టార్లు మాత్రం ఆడియన్స్ ని ఎంటర్ టైన్ చెయ్యడానికి వచ్చిన ఏ చిన్న అవకాశాన్నీ వదులుకోవడం లేదు. ఒక పక్క పాన్ ఇండియా సినిమాలు ధియేటర్లో రిలీజ్ కు రెడీ అవుతుంటే.. మరో వైపు అంతకుమించి ఓటీటీలో కంటెంట్ కూడా ఫాన్స్ ని ఎంగేజ్ చెయ్యడానికి ఫుల్ స్వింగ్ లో తగ్గేదే అంటున్నాయి. ఈ వారం అటు ధియేటర్లు, ఓటీటీ కంటెంట్ తో ఆడియన్స్ కి ఎంటర్ టైన్ మెంట్ ఓ రేంజ్ లో ఉండబోతోంది. ధియేటర్లు, ఓటీటీలు ఏమాత్రం తగ్గకుండా ఫాన్స్ ని ఎంగేజ్ చెయ్యబోతున్నాయి.

ఈ వీక్ ఫ్రైడే కంటే ఒక్క రోజు ముందే.. గురువారమే ఎంటర్ టైన్ మెంట్ ఫెస్టివల్ రెడీ అవుతోంది. సూర్య, ప్రియాంకా అరుల్ మోహన్ జంటగా మాస్ యాక్షన్ ఎంటర్ టైనర్ గా మార్చి 10న ధియేటర్లో రిలీజ్ అవుతోంది ఈటి సినిమా. సూర్య లాస్ట్ 2 ఇయర్స్ నుంచి తన రెండు సినిమాల్ని ఓటీటీలో రిలీజ్ చెయ్యడంతో.. చాలా కాలం తర్వాత ధియేటర్లో రిలీజ్ అవుతున్న సినిమా కావడంతో ఈటి సినిమా మీద ఫుల్ ఎక్స్ పెక్టేషన్స్ తో ఉన్నారు ఫాన్స్.

మార్చి 11న అసలు సినిమా పండగ స్టార్టవ్వబోతోంది. ఎప్పుడెప్పుడా అని మూడేళ్ల నుంచి ఆడియన్స్ వెయిట్ చేస్తున్న ప్రభాస్ సినిమా రాధేశ్యామ్ రిలీజ్ కు రెడీ అవుతోంది. పాన్ ఇండియా మూవీగా రాధాకృష్ణ డైరెక్షన్లో ప్రభాస్, పూజాహెగ్డే జంటగా 300 కోట్ల బడ్జెట్ తో తెరకెక్కిన రెట్రో లవ్ స్టోరీ రాధేశ్యామ్. చాలా సార్లు పోస్ట్ పోన్ అయిన తర్వాత ఈ శుక్రవారం రికార్డ్ ధియేటర్లలో వరల్డ్ వైడ్ గా గ్రాండ్ గా రిలీజ్ అవుతున్న ఈసినిమాతో ప్రభాస్ లాంగ్ గ్యాప్ తర్వాత ఆడియన్స్ ముందుకొస్తున్నారు.